Útlendingastofnun fær á næstu árum 100 milljónir króna inn í starfsemi sína umfram það sem áætlað var, meðal annars til að mæta kostnaðinum við breytta reglugerð í málefnum hælisleitenda.

Nú verður Útlendingastofnun að taka mál barna til efnislegrar meðferðar ef það hefur dvalist hér á landi í 10 mánuði, en áður voru það 12 mánuðir. Sú breyting hefur í för með sér fleiri efnislegar meðferðir sem kosta sitt. Þeim kostnaði er mætt með aukinni fjárveitingu, að því er kemur fram hjá RÚV.

Frétt af mbl.is

Erfitt að bíða lengi í óvissu

Í frétt RÚV er það haft eftir dómsmálaráðherra, Þórdísi Kolbrúnu Reykfjörð Gylfadóttur, að í haust verði smíðað frumvarp um breytingu á útlendingalögum. Í hverju þær breytingar eiga að felast liggur ekki fyrir en ríkisstjórnin hefur lýst yfir áhuga á að bæta umgjörð þessara mála, meðal annars með því að stytta meðferðartímann.

Fjölskyldurnar tvær sem hafa verið til umfjöllunar í fjölmiðlum síðustu daga og vikur bíða þess nú að Útlendingastofnun samþykki umsókn þeirra um efnislega meðferð en eftir breytingu ætti ekkert að vera því til fyrirstöðu. Svo kemur að efnislegu meðferðinni sjálfri, sem tekur sinn tíma.

Tengdar fréttir

Flóttafólk á Íslandi

„Minn tími er ekki búinn“

• Hefur kostað samtals 10,5 milljarða
• Ekki litið svo á að logið sé til um aldur
• Ráðuneytið sendi listann í desember
• Kæra á hendur Semu og Maríu „fabúleringar“

» Fleiri tengdar fréttir

• Blogga um frétt