Mikill viðbúnaður vegna bílslyss á Reykjanesbraut

Annar bíllinn endaði á hliðinni eftir áreksturinn.
Annar bíllinn endaði á hliðinni eftir áreksturinn. Ljósmynd/Aðsend

Sjúkraflutningamenn vinna nú að því að flytja átta til tíu manns á sjúkrahús til aðhlynningar eftir að tveir bílar lentu í árekstri á Reykjanesbraut núna fyrir skemmstu. Ekki er vitað hversu alvarlega fólkið er slasað segir varðstjóri slökkviliðsins á höfuðborgarsvæðinu í samtali við mbl.is.

Viðbúnaður á vettvangi er mjög mikill að sögn sjónarvotta. Um tíma voru þar fimm sjúkrabílar, dælubíll slökkviliðsins og lögreglubílar. Verið er að beina umferð annað á meðan vinna á vettvangi fer fram.

Miðað við lýsingar sjónarvotta bendir allt til þess að bílarnir hafi komið úr gagnstæðri átt. Bíllinn sem valt á hliðina var af tegund farþegabíla sem rúmar sjö farþega eða fleiri. 

Umferð lokað í austur

Í tilkynningu frá lögreglu vegna slyssins kemur fram að umferð verði lokað á Reykjanesbraut inn í Hafnarfjörð (austur). Umferð í hina áttina verði stjórnað fram hjá vettvangi þannig að það sé ekki alveg lokað í aðra áttina. Það megi þó búast við umferðartöfum á þessum vegkafla á meðan aðgerðir á vettvangi fara fram.

mbl.is

Bloggað um fréttina

Fleira áhugavert
Fleira áhugavert