Gunnar Ingi Birgisson bæjarstjóri hefur ákveðið að láta af störfum fyrir Fjallabyggð af persónulegum og heilsufarslegum ástæðum frá og með 1. desember nk., að því er fram kemur í frétt á vef Fjallabyggðar.
Gunnar tók við starfi bæjarstjóra Fjallabyggðar 29. janúar 2015. Áður var hann um árabil bæjarstjóri í Kópavogi og alþingismaður fyrir Sjálfstæðisflokkinn.
Í fréttinni kemur fram að Gunnar þakki starfsfólki og íbúum Fjallabyggðar fyrir samstarf á síðustu árum.