Ætla að birta pósta Jóhannesar
Setja bókamerki
Samherji hyggst birta tölvupósta uppljóstrarans Jóhannesar Stefánssonar, fyrrverandi stjórnanda Samherjafélaganna í Namibíu. Ekki verða þó birtir póstar sem snúa að persónulegum málefnum Jóhannesar, heldur eingöngu þeir sem snúa að starfi hans. Einnig verða birt önnur gögn. Þetta hefur Fréttablaðið eftir öruggum heimildum.
Björgólfur Jóhannsson, forstjóri Samherja, vildi ekki staðfesta við Fréttablaðið að póstarnir yrðu birtir. Hann segir það þó koma til greina að birta alla póstana. „Það kann alveg að vera. Ég hef ekki sjálfur litið á þessa tölvupósta en mér finnst það hljóta að koma til greina, ef það er eitthvað í þeim sem styður þá skoðun okkar að starfsemin hafi ekki verið eins og lýst hefur verið í þessum þáttum,“ segir Björgólfur.
Útgerðarfyrirtækið Samherji segist hafa látið kanna þau gögn sem WikiLeaks hefur birt um félagið, en þar sé aðallega um að ræða mikið magn pósta úr pósthólfi Jóhannesar Stefánssonar uppljóstrara. Samherji segir að Jóhannes hafi handvalið tölvupósta og aðeins afhent um 42% af tölvupóstunum. Þetta kemur fram í tilkynningu frá fyrirtækinu í gær.
Árshátíð ríkislögreglustjóra haldin í Tékklandi
Gígbarmurinn hækkað frá því í gær
„Það þarf að vinna mikinn fjölda upp“
Krefjast stöðvunar framkvæmda
„Umsátursástand“
„Á réttri leið en nokkuð í land ennþá“
Kostnaður meiri en milljón á fermetra