Telur að Sigmundur Davíð verði í næstu ríkisstjórn
Setja bókamerki
Sigmundur Davíð Gunnlaugsson, formaður Miðflokksins og fyrrverandi forsætisráðherra, verður í næstu ríkisstjórn Íslands. Þessu spáir Elliði Vignisson, bæjarstjóri í Ölfusi og fyrrverandi oddviti sjálfstæðismanna í Vestmannaeyjum.
Ummælin lætur Elliði falla á Facebook-síðu sinni í umræðum um stöðufærslu þar sem hann lýsir þeirri skoðun sinni að Bjarni Benediktsson, fjármálaráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri hreyfingarinnar — græns framboðs hafi staðið sig best í umræðum í þættinum Kryddsíldinni á Stöð 2 sem fram fóru á gamlársdag.
Þeirri skoðun er lýst í umræðunum að Sigmundur Davíð hafi einnig komið sterkur inn í umræðuna og tekur Elliði undir þá skoðun með þessum orðum: „Sammála, hann kemur inn í næstu ríkisstjórn.“
Þingkosningar fara á næsta ári, þá líklega um vorið, en núverandi ríkisstjórn samanstendur af VG, Sjálfstæðisflokknum og Framsóknarflokknum undir forsæti Katrínar.
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
„Á réttri leið en nokkuð í land ennþá“
„Hvílir mikil leynd yfir þessu öllu“
Beint frá Kína
Vona að Orkustofnun veiti ekki virkjunarleyfi