Ferðamönnum verði skylt að kaupa björgunartryggingu
Setja bókamerki
Ferðamönnum sem fara upp í óbyggðir ætti að vera skylt að kaupa björgunartryggingu að mati Frosta Sigurjónssonar, rekstrarhagfræðings og fyrrverandi alþingismanns Framsóknarflokksins.
Frosti ræðir um þetta á Facebook-síðu sinni og bendir á að í mörgum löndum sé slíkt fyrirkomulag. Tilefnið eru fréttir af kostnaði björgunarsveitanna við að bjarga hópi erlendra ferðamanna sem fyrirtækið Mountaineers of Iceland fór með upp að Langjökli í aftakaveðri.
Gæti skilað hundruðum milljóna króna
Bendir Frosti á að slík trygging þurfi ekki að vera dýr og gæti verið dýrari á veturna og ódýrari á sumrin. Ef 200 þúsund ferðamenn, eða 10% þeirra sem koma árlega til landsins, myndu greiða tvö þúsund krónur í iðgjald vegna ferða inn á tiltekin svæði gæti það skilað 400 milljónum króna sem gætu runnið beint til björgunarsveitanna.
„Það eru margar leiðir til að útfæra þetta og öllum í hag að það verði gert,“ segir Frosti að lokum.
Verðbólgan komin niður í 6%
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Hernaðaraðstoð samþykkt – Vopnasendingar í vikunni
Æskuvinur Íslendings myrtur í Noregi
Fiskikóngurinn: „Mér fannst sárt að heyra það“
Vona að Orkustofnun veiti ekki virkjunarleyfi