Undanþágubeiðni vegna þrifa í grunnskólum hafnað
Setja bókamerki
Tengdar fréttir
Kjaraviðræður
Undanþágubeiðni Reykjavíkurborgar frá verkfalli Eflingar sem snýr að þrifum á grunnskólum borgarinnar hefur verið hafnað af Eflingu. Þetta segir Viðar Þorsteinsson, framkvæmdastjóri Eflingar, í samtali við mbl.is.
Efling hefur veitt borginni tvær undanþágur frá yfirstandandi verkfalli nú þegar. Þær snúa að sorphirðu annars vegar og þrifum og umönnun hjá öldruðum og fötluðum hins vegar. Farið var fram á undanþágurnar eftir að í ljós kom að kórónuveirusmit hefði greinst hér á landi.
Dagur B. Eggertsson borgarstjóri greindi frá því fyrr í dag í samtali við mbl.is að borgin hefði óskað eftir þriðju undanþágunni sem varðaði þrif í grunnskólum. Dagur sagði borgina leggja áherslu á það í ljósi leiðbeininga frá almannavörnum ríkislögreglustjóra um aukin þrif í húsum þar sem þjónusta er veitt.
Rökin eiga ekki við í tilfelli grunnskólanna
Viðar segir að rök Reykjavíkurborgar sem byggja á áhyggjum almannavarnadeildar og sóttvarnalæknis um áhrif verkfallsins á viðkvæmustu hópa samfélagsins ekki eiga við.
„Við teljum nokkuð ljóst að röksemdirnar sem tengjast sérstaklega þessum faraldri eigi ekki við um skólastarfsemi vegna þess að þar eru ekki þessir sérstaklega viðkvæmu hópar á ferð,“ útskýrir Viðar og bætir við:
„Þessar stofnanir hafa einfaldlega lokað í mörgum tilfellum þannig að borgin sjálf hefur þannig augljóslega færa leið til að leysa þann vanda án þess að setja fólk í hættu.“
Tengdar fréttir
Kjaraviðræður
Kvikan virðist nú skiptast til helminga
/frimg/9/40/940831.jpg)
Telur eyðsluna munu rjúka upp úr öllu valdi
Innviðir þandir og álagið „gríðarlegt“
Segir óábyrgt að skipta út öllu bankaráðinu
Þrjú og hálft ár fyrir skotárás í Úlfarsárdal
Benda á Samgöngustofu sem bendir út í heim
Ofsóttur innan veggja Boeing
Aukin tíðni þungunarrofa hjá yngsta aldurshópnum