Fjögur ný til­felli af COVID-19-sjúk­dómn­um voru greind á sýkla- og veiru­fræðideild Land­spít­ala nú í morgun. Heild­ar­fjöldi til­fella er því 85.

Þetta staðfestir Víðir Reynisson yfirlögregluþjónn í samtali við mbl.is.

Nýju tilfellin tengjast öll ferðalögum fólks til skíðasvæða í Ölpunum. Tvö nýju smitanna má rekja til Sviss og hin tvö til Austurríkis.

Víðir segir að hugsanlega sé hægt að tengja tvö smit sem voru staðfest í gær við Sviss.

Hann segir að verið sé að rekja smit en eitthvað á sjöunda hundrað manns er í sóttkví. Alls hafa 739 sýni verið tekin í heild.

Enginn sem smitaðist af veirunni er á sjúkrahúsi en Víðir segir að sérstaklega vel sé fylgst með nokkrum sem eru veikir heima.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Nýju til­fell­in tengj­ast öll ferðalög­um fólks til skíðasvæða í Ölp­un­um.