Aðeins 0,6% í slembiúrtaki smituð
Guðrún Hálfdánardóttir
Setja bókamerki
Þrettán einstaklingar af 2.300 manna slembiúrtaki sem Íslensk erfðagreining tók sýni úr á höfuðborgarsvæðinu vegna kórónuveirunnar reyndust smitaðir. Það þýðir að tíðni sýkinga í slembiúrtakinu er 0,6%.
Kári Stefánsson, forstjóri Íslenskrar erfðagreiningar, segir að þetta sé nokkurn veginn það sama og hefur verið frá 13. mars nema hlutfallið sé aðeins að lækka. „Veldisfjölgun á sýkingum hefur ekki átt sér stað heldur línuleg fjölgun sem er jafnvel aðeins að minnka. Þetta þýðir því ósköp einfaldlega að aðgerðir þríeykisins eru að virka og ég er mjög feginn því og þetta eru miklar gleðifréttir,“ segir Kári.
Hann segir að allt samfélagið hafi staðið sig vel þegar kemur að kórónuveirunni og viðbrögðum við henni. „Við eigum að vera montin af því að vera Íslendingar í dag,“ segir Kári.
Kvikan virðist nú skiptast til helminga
Hægagangur og vaxandi ókyrrð
Ísraelar hefna árásarinnar
„Það er skiljanlegt að þolinmæði þeirra sé lítil“
Ekki byggt í takt við áform sveitarfélaga
„Þögnin er ærandi“
Stóraukið fé til samgöngusáttmála