Staðreyndirnar óumdeildar

Ragnar Freyr Ingvarsson, um­sjón­ar­lækn­ir Covid-göngu­deild­ar á Land­spít­ala, segir að þær staðreyndir sem hann hafi nefnt í kjölfar málflutnings Brynjars Níelssonar, þingmanns Sjálfstæðisflokks, séu óumdeildar, aðallega hvað varðar stærð fyrri bylgju, ástandið á núverandi bylgju og vangaveltur um hvers megi mögulega vænta.

Frétt af mbl.is

Segir Ragnar hrokafullan „grilllækni“

Brynjar gagnrýndi aðgerðir sem miðast að því að hefta útbreiðslu Covid-19 hérlendis í samtali við mbl.is í vikunni. Ragnar Freyr svaraði gagnrýninni og sagði að ef allt yrði gefið frjálst myndu fórn­ar­lömb far­ald­urs í mik­illi upp­sveiflu marg­fald­ast.

Brynjar svaraði Ragnari þá á facebooksíðu sinni og sagði Ragnar, sem er bæði læknir og þekktur matgæðingur, hrokafullan „grilllækni“. 

Ragnar slær á létta strengi í færslu á Facebook:

„Hann kallar mig hrokafullan grilllækni, sem eru viss vonbrigði þar sem ég hef reynt við fleiri tegundir eldamennsku í gegnum árin. Sous vide, franska, sænska, þýska, ítalska ... sem eru tilefni í miklu skemmtilegri viðurnefni! Ég verð augljóslega að gera betur!“

• 3 blogg um fréttina

Bloggað um fréttina

• Þorsteinn Siglaugsson: Strámannsrök læknisins
• Ómar Ragnarsson: Hjólað í manninn en ekki boltann í leðjuslag.
• Páll Vilhjálmsson: Þrjár valkvæðar staðreyndir um veiruna