Sjálfstæðisflokkurinn bætir við sig
Setja bókamerki
Fylgi Sjálfstæðisflokksins mældist nú 27,1%, rúmlega tveimur prósentustigum hærra en við síðustu könnun MMR sem framkvæmd var fyrri hluta nóvember. Fylgi Samfylkingarinnar minnkaði um tæp þrjú prósentustig og mældist 13,8%, fylgi Framsóknarflokksins minnkaði um rúmlega tvö prósentustig og mældist 7,6% og fylgi Miðflokksins minnkaði einnig um rúmlega tvö prósentustig og mældist 7,0%.
Þetta kemur fram í könnun sem MMR framkvæmdi á tímabilinu 26. nóvember - 3. desember 2020. Heildarfjöldi svarenda var 944 einstaklingar, 18 ára og eldri.
Fylgi Flokks fólksins jókst um rúmlega tvö prósentustig frá síðustu mælingu og mældist nú 6,2%.
Sjálfstæðisflokkurinn hefur einungis einu sinni mælst með hærra fylgi á yfirstandandi kjörtímabili en það var í mars síðastliðnum, þar sem fylgi hans mældist 27,3%
Stuðningur við ríkisstjórnina mældist nú 50,0% og minnkaði um tæplega tvö prósentustig frá síðustu könnun, þar sem stuðningur mældist 51,7%.
„Mér finnst Halla Hrund svona Vigdísarleg“
Átta morðmál á aðeins tólf mánuðum
Búið að bólusetja börn alla helgina
Mest spennandi kosningar í áratugi
Segir nýtt frumvarp gefa eldisfyrirtækjum auðlindir
Áköf mótmæli í bandarískum háskólum