30 ætluðu vitandi vits smitaðir á skemmtistað
Setja bókamerki
Hópurinn sem ætlaði sér að fara á karókíkvöld á Gauknum þrátt fyrir að öll væru með virkt Covid-smit telur 30 manns að sögn Magnúsar Bjarna Gröndal, rekstrarstjóra Gauksins. Hann segir málið á borði lögreglu og að starfsfólk Gauksins aðstoði hana við rannsókn málsins.
Segir skiptinema eiga í hlut
Magnús segist í upphafi hafa heyrt af þessari ætluðu hópferð í gegnum fastakúnna á staðnum sem hafi haldið því fram að skiptinemar ættu hlut að máli. „Þetta er alveg þrjátíu manna hópur sem vísvitandi ætlaði smitaður niður í bæ og alveg sérstaklega til okkar,“ segir Magnús sem líkir þessu við að fá sprengjuhótun.
Hann segist ekki hafa þorað öðru en að loka staðnum eftir að hafa heyrt af þessari fyrirætlan:
„Við vildum frekar taka höggið. Aðrir barir og skemmtistaðir eru núna að berjast fyrir því að fá lengri afgreiðslutíma og ég vildi sýna það í verki að við séum fagfólk sem ber ábyrgð á okkar hluta í þessari baráttu. Ég sá mér ekki annað fært en að loka bara í staðinn fyrir að setja af stað bylgju númer x.“
Ekki náðist í lögregluna á höfuðborgarsvæðinu við vinnslu fréttarinnar.
Hafa náð tökum á eldinum
90 milljóna ferð austur: „Hrokinn yfirgengilegur“
Boðar 17 milljarða hagræðingu á næsta ári
Íslenska ríkið dæmt brotlegt
„Við eigum hvergi heimili“
50% fjölgun kærumála og aukið álag
Stórbruni í Kaupmannahöfn: Børsen í ljósum logum