Samtökin '78 hafa lagt fram kæru
Setja bókamerki
Samtökin '78 hafa kært Helga Magnús Gunnarsson vararíkissaksóknara vegna umdeildra ummæla sem hann lét falla í garð samkynhneigðra hælisleitanda í færslu á Facebook. Að mati samtakanna er um rógburð eða smánun að ræða og falla því ummælin undir lög um hatursorðræðu.
Þetta staðfestir Daníel E. Arnarsson, framkvæmdastjóri samtakanna, í samtali við mbl.is.
Í færslunni sem um ræðir spyr Helgi Magnús hvort einhver skortur sé á samkynhneigðum karlmönnum á Íslandi:
„Flestir hælisleitendur koma í von um meiri pening og betra líf. Hver lýgur sér ekki til bjargar? Þar fyrir utan er einhver skortur á hommum á Íslandi?“
Færslunni var deilt á samfélagsmiðlum og hlaut mikla gagnrýni þar.
Helgi hefur ekki verið beðinn um að stíga til hliðar vegna kærunnar, en hann greindi frá því við mbl.is fyrr í dag að hann sjái ekkert tilefni til þess.
Tapa fimm milljónum á dag
Fara ekki lengur fram á einangrun yfir Davíð
Áköf mótmæli í bandarískum háskólum
„Þetta náttúrulega endar með ósköpum“
Hönnun sem bætir líf manna
„Á réttri leið en nokkuð í land ennþá“