Mörg nú þegar leitað til kirkjunnar á Ólafsfirði
Setja bókamerki
Mörg hafa nú þegar leitað til prests í Ólafsfjarðarkirkju eftir að manndrápsmál kom upp á Ólafsfirði í nótt. Fjórir menn eru í haldi lögreglu vegna málsins en talið er að sá látni hafi verið stunginn með eggvopni.
Stefanía Guðlaug Steinsdóttir, sóknarprestur í Ólafsfjarðarkirkju, segir að kirkjan verði opin í allan dag fyrir þau sem þangað leita og telja sig þurfa á stuðningi að halda.
„Kirkjan verður opin í dag fyrir þá sem vilja koma og það eru margir búnir að koma,“ segir Stefanía.
Rauði krossinn kemur á bænastund
Sigríður Ingvarsdóttir, bæjarstjóri í Fjallabyggð, sagði í samtali við mbl.is fyrr í dag að íbúar væru harmi slegnir vegna málsins. Stefanía tekur undir það.
Bænastund verður í kirkjunni klukkan átta í kvöld og viðbragðsteymi frá Rauða krossinum verður viðstatt bænastundina. „Fólk getur talað við þau eða sóknarprest í kvöld,“ segir Stefanía.
„Kirkjan verður opin næstu daga og fólk getur líka hringt og pantað sér tíma,“ segir hún jafnframt.
Endurlífgunartilraunir báru ekki árangur
Fram kom í tilkynningu frá lögreglunni á Norðurlandi eystra að óskað hefði verið eftir aðstoð lögreglu klukkan rétt rúmlega hálfþrjú í nótt, þar sem maður hefði verið stunginn með eggvopni í húsi á Ólafsfirði.
Þegar fyrstu lögreglumenn komu á vettvang voru endurlífgunartilraunir hafnar á karlmanni sem var með áverka. Læknir og sjúkraflutningamenn komu einnig á vettvang en endurlífgunartilraunir báru ekki árangur og var maðurinn úrskurðaður látinn á vettvangi.
Fram kom í tilkynningu lögreglu að ekki væri hægt að veita frekari upplýsingar að svo stöddu en ákvörðun um hvort farið yfir fram á gæsluvarðhald yfir einhverjum sakborninganna yrði tekin síðar í dag.
/frimg/9/40/940831.jpg)
Telur eyðsluna munu rjúka upp úr öllu valdi
Sárt að horfa upp á illa meðferð fjármuna
Ekki byggt í takt við áform sveitarfélaga
29 nautgripir fundust dauðir
Hægagangur og vaxandi ókyrrð
Hyggjast leyfa fólki að skoða gosið
Hafa samþykkt kaup fyrir um 9,2 milljarða