Reykjanesbær tekur á móti 350 flóttamönnum
Setja bókamerki
Reykjanesbær mun í samstarfi við stjórnvöld taka á móti allt að 350 flóttamönnum.
Guðmundur Ingi Guðbrandsson, félags- og vinnumarkaðsráðherra, Kjartan Már Kjartansson, bæjarstjóri Reykjanesbæjar, og Nichole Leigh Mosty, forstöðukona Fjölmenningarseturs, undirrituðu samning um samræmda móttöku flóttafólks í gær í Ráðhúsi Reykjanesbæjar.
„Samræmd móttaka flóttafólks nær til fólks sem fengið hefur alþjóðlega vernd eða dvalarleyfi á grundvelli mannúðarsjónarmiða hér á landi. Markmiðið er að tryggja flóttafólki samfellda og jafna þjónustu óháð því hvaðan það kemur og í hvaða sveitarfélagi það sest að,“ segir í tilkynningu á vef Stjórnarráðsins.
Fjórði samningurinn
Þetta er fjórði samningurinn sem undirritaður er um samræmda móttöku flóttafólks á skömmum tíma. Auk Reykjanesbæjar hefur Reykjavík, Árborg og Akureyri undirritað samning við félags- og vinnumarksráðuneytið.
Í kjölfar undirritunarinnar í Reykjanesbæ fundaði Katrín Jakobsdóttir forsætisráðherra með bæjaryfirvöldum ásamt Guðmundi Inga og fulltrúum beggja ráðuneyta. Greint var frá því hvernig sveitarfélagið tekur á móti flóttafólki og hver umgjörðin er.
Ráðherrarnir funduðu jafnframt með bæjaryfirvöldum í Suðurnesjabæ og kynntu sér málefni fylgdarlausra barna á flótta.
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“
„Skýr skilaboð til Seðlabankans“
„Okkur miðar í rétta átt“
Tveir í bílnum sem lenti utan vegar