Einar Oddur gefur kost á sér

Einar Oddur Kristjánsson

Á fréttavefnum Bæjarins besta kemur fram að Einar, sem var formaður kjördæmisráðs Sjálfstæðisflokksins á Vestfjörðum til fjölda ára, segir að það sé ekki öfundsvert starf að stilla upp lista enda hafi hann tekið þátt í að stilla upp einum sex listum í Vestfjarðakjördæminu gamla.

Aðspurður um næstu skref í vegagerð á Vestfjörðum segir Einar, sem er starfandi formaður fjárlaganefndar, að það skýrist í haust þegar fjárlög verða tilbúinn. „Ég á ekki von á öðru en að það verði nein töf á mikilvægustu framkvæmdum í vegagerð á Vestfjörðum.“ Hann stendur fast á því að um mikilvægar aðgerðir sé að ræða, útlitið var orðið dökkt og hættan orðin á langvarandi víxlverkun launahækkana og verðbólgu. „Við bjuggum við óþolandi ástand í efnahagsmálum frá 1971 til 1991 og ég held að ekki nokkur maður vilji sigla aftur inn í þann tíma“, segir Einar Oddur Kristjánsson, á kafi í gróðursetningu á Sólbakka í Önundarfirði, að því er segir á vef Bæjarins besta.