Innlent
|
Kosningar
| mbl
| 30.3.2007
| 10:37
Pétur Óskarsson ekki á leið í framboð
Fulltrúar í stjórn Sólar í Straumi harma ómálefnalegar baráttuaðferðir Hags Hafnarfjarðar á lokametrum kosningabaráttunnar í Hafnarfirði. Á fundi á vegum Hafnarfjarðarbæjar í gærkvöldi, fimmtudagskvöldið 29. mars, var persóna Péturs Óskarssonar dregin inn í umræðuna, hann sagður ranglega á leið í framboð og sakaður um að vera að verja eigin hagsmuni með andstöðu sinni gegn stækkun. Pétur hefur þegar leiðrétt þessar rangfærslur. Þetta kemur fram í fréttatilkynningu frá Sól í Straumi.
„Sól í Straumi er hópur einstaklinga í Hafnarfirði sem bera hag bæjarins og bæjarbúa fyrir brjósti. Við höfum undanfarna mánuði staðið fyrir málefnalegri kosningabaráttu og starfað af heilindum, öll sem eitt," að því er segir í tilkynningu.
© Árvakur hf.
Öll réttindi áskilin
