Stjórnarmyndunarviðræður halda áfram eftir hádegi í dag

Leiðtogar Sjálfstæðisflokksins og Samfylkingarinnar hafa ekki enn hist í dag en hyggjast funda eftir hádegi og halda þá stjórnarmyndunarviðræðum áfram. Rætt er nú um stóra málefnaflokka að sögn Skúla Helgasonar, framkvæmdastjóra Samfylkingarinnar. Hann sagði ennfremur í samtali við mbl.is að ef ekkert óvænt kæmi upp á yrði viðræðum lokið næstu daga.

Útvarpið segir, að fulltrúar flokkanna tveggja fundi nú sitt í hvoru lagi til að fara yfir texta sjórnarsáttmálans en sameiginlegir fundir séu fyrirhugaðir síðar í dag. Stefnt sé að því að málefnavinnu verði lokið í dag.

• 3 blogg um fréttina

Bloggað um fréttina

• Kjartan Vídó: Drauma ráðherrar
• Guðmundur Örn Jónsson: Hægri stjórn? Baugsstjórn? Velferðarstjórn?
• Hallur Magnússon: Ungt fólk í ráðherrastólana!