Líklegt þykir að sérfræðingur utan þings muni gegna stöðu viðskiptaráðherra. Ekkert er þó endanlega ákveðið um þau mál, samkvæmt heimildum Morgunblaðsins. Vinstri græn og Samfylkingin hafa rætt nokkur nöfn í því samhengi en mest hefur verið rætt um Gylfa Magnússon hagfræðing og dósent við Háskóla Íslands. Endanlegar ákvarðanir hafa þó ekki verið teknar en verða ræddar og ákveðnar í dag.