Þrjú vilja fyrsta sætið

Eygló Harðardóttir, alþingismaður, sem er fremst á myndinni, er ein þriggja sem falast eftir fyrsta sætinu á lista Framsóknarflokksins í Suðurkjördæmi. mbl.is/Kristinn

Þrír frambjóðendur falast eftir fyrsta sætinu á framboðslista Framsóknarflokksins í Suðurkjördæmi.

Það eru 13 sem bjóða sig fram í póstkosningu félagsmanna við val í 6 efstu sætin á lista Framsóknarflokksins í Suðurkjördæmi vegna alþingiskosninganna 25. apríl 2009. Frestur til að skila inn framboðum, rann út í gær, 20. febrúar.

Í hópnum eru 7 konur og 6 karlar og er yngsti frambjóðandinn 18 ára en sá elsti er 65 ára.
 
Eftirtaldir gefa kost á sér:
 
1. sæti:            Eygló Þóra Harðardóttir, alþingismaður
                        Sigurður Ingi Jóhannsson, dýralæknir
1. – 2. sæti:     Birgir Þórarinsson, sérfr. í alþj.samskiptum
                        Kristinn Rúnar Hartmannsson, myndlistamaður
1. – 3. sæti:     Eysteinn Jónsson, bæjarfulltrúi
2. sæti:            Bryndís Gunnlaugsdóttir, lögfræðingur og form. SUF
3. – 6. sæti:     Inga Þyri Kjartansdóttir, verkefnastjóri
4. sæti:            Guðni Ragnarsson, bóndi
5. – 6. sæti:     Einar Freyr Elínarson, nemi
                        Ásthildur Ýr Gísladóttir, nemi og vaktstjóri
                        Bergrún Björnsdóttir, nemi
6. sæti:            Hansína Ásta Björgvinsdóttir, kennari
                        Ingibjörg Júlía Þorbergsdóttir, viðskiptafræðingur
 
 
Kosið verður í póstkosningu allra flokksmanna í kjördæminu. Kjörfundur hefst 24. febrúar og honum lýkur 4. mars. Framboðslistinn í heild verður svo lagður fyrir aukakjördæmisþing 8. mars n.k. á Hótel Selfossi.