Innlent | Kosningar | mbl | 25.2.2009 | 22:50 | Uppfært 23:22

Birtir fjárráð sín á netinu

Sigríður Á. Andersen.

Sigríður Á. Andersen, frambjóðandi í prófkjöri Sjálfstæðisflokksins í Reykjavík, hefur birt á heimasíðu sinni yfirlit yfir eignir og skuldir heimilis síns, en hún er gift Glúmi Jóni Björnssyni efnafræðingi.

„Við núverandi aðstæður í efnahagsmálum þjóðarinnar og vegna mikillar umræðu um fjárhagsleg tengsl og hagsmuni kjörinna fulltrúa þykir mér sjálfsagt að upplýsa kjósendur í Reykjavík um stöðu mína að þessu leyti um leið og ég óska eftir umboði þeirra til starfa á Alþingi," skrifar Sigríður í yfirlýsingu um ákvörðun sína.

Hún kveðst virða rétt þeirra frambjóðenda sem gera þetta ekki.