Helgi býður sig fram í 4. sæti

Helgi Hjörvar. SteinarH

Helgi Hjörvar, alþingismaður, býður sig fram í 4. sæti í prófkjöri Samfylkingarinnar í Reykjavík, sem þýðir, að hann sækist eftir 2. sæti lista í öðru hvoru Reykjavíkurkjördæmanna.

Helgi segist með framboði sínu leggja aðaláherslu á velferðar- og atvinnumál. Hann hefur setið á Alþingi frá árinu 2003 og er núverandi formaður umhverfisverndar þingsins. Helgi endaði í 5. sæti í prófkjöri Samfylkingarinnar fyrir síðustu kosningar. 

Jóhanna Sigurðardóttir býður sig fram í 1. sæti í prófkjöri Samfylkingarinnar, Ingibjörg Sólrún Gísladóttir býður sig fram í 2. sætið og Össur Skarphéðinsson í það þriðja. Framboðsfrestur rann út nú um hádegið og nöfn frambjóðenda verða birt klukkan 16.