Vilja 1. og 2. sæti hjá VG í SV-kjördæmi

Guðfríður Lilja Grétarsdóttir

Forval VG í Suðvesturkjördæmi fer fram í dag laugardaginn 14. mars kl. 10-22 og hægt er að kjósa að Hamraborg 1-3 í Kópavogi, Strandgötu 11 í Hafnarfirði og í Hlégarði í Mosfellsbæ. Kosningavaka verður haldin í Fjörukránni í Hafnarfirði kl. 22-01 í kvöld (laugardag) og er öllum opin, að því fram kemur í tilkynningu.

Guðfríður Lilja Grétarsdóttir býður sig fram í 1. sæti í forvali VG í Suðvesturkjördæmi sem fram fer í dag. Guðfríður Lilja er með B.A.-próf í sagnfræði frá Harvard-háskóla í Bandaríkjunum og mastersgráðu í heimspeki frá Cambridge-háskóla í Bretlandi. Hún bjó erlendis í níu ár og starfaði víða í Evrópu, m.a. að innflytjendamálum, en vinnur núna sem framkvæmdastýra þingflokks Vinstri grænna.
 
Ögmundur Jónasson heilbrigðisráðherra býður sig fram í 2. sæti í forvali VG í Suðvesturkjördæmi. Ögmundur er með M.A.-próf í sagnfræði og stjórnmálafræði frá Edinborgarháskóla í Skotlandi. Hann hefur látið til sín taka í stjórnmálum og á vettvangi verkalýðshreyfingarinnar innan lands sem utan um langt árabil.
 

Ögmundur Jónasson. mbl.is