Kristján Þór tilkynnir um framboðsáform

Kristján Þór Júlíusson alþingismaður og oddviti sjálfstæðismanna í Norðausturkjördæmi hefur boðað til blaðamannafundar kl. 16,15 í Vaðlaheiði á útsýnispalli gegnt Akureyri þar sem hann mun kynna áform sín í forystukjöri Sjálfstæðisflokksins sem fram fer á landsfundi flokksins þann 29. mars nk.

Í fundarboðinu segir jafnframt að Kristján Þór muni jafnframt kynna meginforsendur ákvörðunar sinnar á fundinum. „Sjálfstæðisflokkurinn er breiður flokkur með sterka lýðræðishefð og því eðlilegt að flokksmenn geti valið milli mismunandi kosta við kjör forystu. Þar á enginn að eiga neitt gefið“, segir í fundarboðinu frá Kristjáni Þór.

Kristján Þór atti kappi við Þorgerði Katrínu Gunnarsdóttur á  landsfundi Sjálfstæðisflokksins haustið 2005 en þá hafði Þorgerður betur, hlaut 62,3% í varaformannskjörinu en Kristján Þór hlaut 36,3% atkvæða. Af fundarboði Kristjáns nú verður ekki ráðið hvor hann hyggst aftur bjóða sig fram í varaformanninn þar sem Þorgerður Katrín er aftur í framboði eða í formanninn þar sem Bjarni Benediktsson hefur gefið kost á sér.

• 8 blogg um fréttina

Bloggað um fréttina

• Stefán Bogi Sveinsson: Spurt er:
• Páll Vilhjálmsson: Fatti Kristján stöðuna á hann sjens
• Snjólaug A. Sigurfinnsdóttir: Flottur Kristján Þór
• Jón Snæbjörnsson: flott er það ;) á útsýnispalli gegnt Akureyri
• Dögg Pálsdóttir: Hlýtur að ætla í formanninn
• Jakob Falur Kristinsson: Formannsframboð
• Þórkatla Snæbjörnsdóttir: Formannsslagur og formannsþráhyggja!
• Jóhannes Ragnarsson: Garpur handgenginn kvótafurstum og öðru sorpi