Innlent | Kosningar | mbl | 23.4.2009 | 13:12

Tvöfaldur munur á atkvæðavægi

mbl.is/Ómar

Ríflega tvöfalt fleiri kjósendur eru að baki hverju þingsæti í Suðvesturkjördæmi en í Norðvesturkjördæmi. 4.850 kjósendur eru að baki hverju hinna 12 þingsæta í SV-kjördæmi en 2.366 kjósendur eru að baki hverju hinna 9 þingsæta í NV-kjördæmi.

Kjósendur í Suðvesturkjördæmi eru nú 58.203 og í kjördæminu eru 12 þingmenn, 10 kjördæmakjörnir og 2 uppbótarsæti. Að baki hverju þingsæti eru því 4.850 kjósendur.

Ef skoðaðar eru kosningar til ársins 2003 sést að kjósendum að baki hverju þingsæti Í SV-kjördæmi hefur fjölgað úr 4.442 árið 2003 í 4.850 nú. Á sama tíma hefur kjósendum að baki hverju þingsæti í NV-kjördæmi fjölgað úr 2.122 árið 2003 í 2.366 nú. Þess ber að geta að eitt þingsæti hefur flust úr NV-kjördæmi í SV-kjördæmi.

Kjósendur að baki hverju þingsæti

Suðvesturkjördæmi:

2003 - 11 þingmenn: 4.442 kjósendur að baki hverju þingsæti
2007 - 12 þingmenn: 4.549 kjósendur að baki hverju þingsæti
2009 - 12 þingmenn: 4.850 kjósendur að baki hverju þingsæti

Norðvesturkjördæmi:

2003 - 10 þingmenn: 2.122 kjósendur að baki hverju þingsæti
2007 - 9 þingmenn: 2.347 kjósendur að baki hverju þingsæti
2009 - 9 þingmenn: 2.366 kjósendur að baki hverju þingsæti

Reykjavíkurkjördæmi suður:

2003 - 11 þingmenn: 3.885 kjósendur að baki hverju þingsæti
2007 - 11 þingmenn: 3.945 kjósendur að baki hverju þingsæti
2009 - 11 þingmenn: 3.977 kjósendur að baki hverju þingsæti

Reykjavíkurkjördæmi norður:

2003 - 11 þingmenn: 3.890 kjósendur að baki hverju þingsæti
2007 - 11 þingmenn: 3.980 kjósendur að baki hverju þingsæti
2009 - 11 þingmenn: 3.980 kjósendur að baki hverju þingsæti

Suðurkjördæmi:

2003 - 10 þingmenn: 2.837 kjósendur að baki hverju þingsæti
2007 - 10 þingmenn: 3.070 kjósendur að baki hverju þingsæti
2009 - 10 þingmenn: 3.250 kjósendur að baki hverju þingsæti

Norðausturkjördæmi:

2003 - 10 þingmenn: 2.732 kjósendur að baki hverju þingsæti
2007 - 10 þingmenn: 2.789 kjósendur að baki hverju þingsæti
2009 - 10 þingmenn: 2.836 kjósendur að baki hverju þingsæti

3.617 að baki hverju þingsæti

Á kjörskrárstofni nú eru 227.896 kjósendur. Þingsætin eru 63 og eru því 3.617 kjósendur að baki hverju þingsætanna ef jafnt er skipt. Sex þingsæti flyttust þannig frá landsbyggðarkjördæmunum í Reykjavíkurkjördæmin og Kragann. Samtals yrðu því 23 þingsæti í landsbyggðarkjördæmunum þremur en 40 þingsæti samanlagt í Reykjavíkurkjördæmunum og Suðvesturkjördæmi. Með einföldum leik að tölum gæti skipting þingsæta í kjördæmin orðið þessi:

Reykjavíkurkjördæmi norður: 12 þingsæti (eru 11)
Reykjavíkurkjördæmi suður: 12 þingsæti (eru 11)
Suðvesturkjördæmi: 16 þingsæti (eru 12)
Suðurkjördæmi: 9 þingsæti (eru 10)
Norðausturkjördæmi: 8 þingsæti (eru 10)
Norðvesturkjördæmi: 6 þingsæti (eru 9)

Rúmlega níu þúsund kjósa í fyrsta sinn

Á kjörskrá fyrir kosningarnar á laugardag eru 227.896. Kjósendum fjölgar um 6.566 frá kosningunum vorið 2007 eða um tæp 3%. Kjósendur með lögheimili erlendis eru 9.924 eða 4,4% kjósendatölunnar og hefur þeim fjölgað um 1.131 frá síðustu alþingiskosningum eða um 12,9%. Kjósendum með lögheimili hér á landi fjölgar um 5.325 eða 2,6%. Þeir sem vegna aldurs fá nú að kjósa í fyrsta sinn til Alþingis eru 9.398 eða 4,1% af kjósendatölunni.