Sex í forvali Samfylkingarinnar

Þátttakendur í forvali Samfylkingarinnar í Árborg.

Sex frambjóðendur gefa kost á sér í forvali Samfylkingarinnar í Árborg, fyrir  komandi bæjarstjórnarkosningar, sem fer fram þann 20. febrúar n.k. Verður niðurstaða þess bindandi fyrir fjögur efstu sæti framboðslistans.

Anna Guðmundsdóttir ráðgjafi í Íslandsbanka
Arna Ír Gunnarsdóttir sviðsstjóri á Svæðisskrifstofu fatlaðra
Eggert Valur Guðmundsson framkvæmdastjóri og varabæjarfulltrúi
Gylfi Þorkelsson kennari og bæjarfulltrúi
Kjartan Ólason framhaldsskólakennari
Ragnheiður Hergeirsdóttir bæjarstjóri og bæjarfulltrúi.

Kosningarétt hafa allir félagar í Samfylkingunni sem búsettir eru í Árborg og getur fólk gengið í Samfylkinguna alveg fram á kjördag. Þrír sameiginlegir framboðsfundir verða haldnir til kynningar á frambjóðendum, á Eyrarbakka 16. febrúar, á Stokkseyri 17. febrúar og á Selfossi 18. febrúar.