Lýsa yfir stuðningi við Ármann
Setja bókamerki
Þrír bæjarfulltrúar í Kópavogi hafa sent frá sér yfirlýsingu um að þeir styðji Ármann Kr. Ólafsson til forystu í bæjarstjórn. Ármann keppnir við Gunnar I Birgisson, fyrrverandi bæjarstjóra um sæti oddvita Sjálfstæðisflokksins í Kópavogi.
„Við undirrituð bæjarfulltrúar Sjálfstæðisflokksins í Kópavogi styðjum Ármann Kr. Ólafsson til að leiða lista sjálfstæðismanna í bæjarstjórnarkosningunum í vor. Við höfum unnið náið með Ármanni í bæjarstjórn og nefndum bæjarins og vitum að hann hefur þá þekkingu, reynslu og hæfileika til að bera sem forystumanni eru nauðsynlegir.
Við treystum Ármanni sem leiðtoga sjálfstæðismanna í Kópavogi til að innleiða nýjar áherslur hjá Sjálfstæðisflokknum í bænum og halda í heiðri vinnubrögð sem byggjast á virðingu gagnvart ólíkum skoðunum, gagnsæi og trausti. Við vitum jafnframt að Ármann býr yfir þeirri ákveðni sem þarf til að fylgja baráttumálum sjálfstæðismanna eftir.
Við hvetjum sjálfstæðismenn í Kópavogi til að taka þátt í prófkjörinu 20. febrúar og setja saman sterkan lista sem mun tryggja Sjálfstæðisflokknum glæsilega niðurstöðu í kosningunum í vor.“
Undir yfirlýsinguna skrifa Gunnsteinn Sigurðsson, bæjarstjóri, Ragnheiður K. Guðmundsdóttir og Sigurrós Þorgrímsdóttir.
„Hvað ef það hefði verið lokuð heiði?“
Slökkva í síðustu glæðunum á morgun
Benda á Samgöngustofu sem bendir út í heim
Hjón sluppu með skrekkinn
„Við eigum hvergi heimili“
Mikil skjálftavirkni á landinu áhyggjuefni
Myndskeið: Braut rúðurnar og rölti svo í burtu