Ómar sigraði í Kópavogi

Ómar Stefánsson sigraði í prófkjöri framsóknarmanna í Kópavogi og Una María Óskarsdóttir hafnaði í öðru sæti í prófkjörinu.  Einar Kristján Jónsson og Gísli Tryggvason sóttust einnig eftir fyrsta sætinu en Gísli hafnaði í fimmta sæti en Einar Kristján er ekki meðal sex efstu.

Á kjörskrá voru 1.817. Atkvæði greiddu 966, gild atkvæði voru 936 og ógild 30.

Lokatölu eru eftirfarandi:

1. Ómar Stefánsson er í 1. sæti með 382 atkvæði.
2. Una María Óskarsdóttir er í 1.-2. sæti með 345 atkvæði.
3. Andrés Pétursson er í 1.-3. sæti með 385 atkvæði.
4. Alexander Arnarsson er í 1.-4. sæti með 433 atkvæði.
5. Gísli Tryggvason er í 1.-5. sæti með 443 atkvæði.
6. Ólöf Pálína Úlfarsdóttir er í 1.-6. sæti með 463 atkvæði.

• Blogga um frétt