Reykjavíkurframboð býður fram í borginni

Flutningaskip í Reykjavíkurhöfn.
Flutningaskip í Reykjavíkurhöfn. mbl.is/Árni Sæberg

Hópur fólks hefur ákveðið að efna til framboðs í Reykjavík í borgarstjórnarkosningunum 29. maí undir nafninu Reykjavíkurframboðið.

Stofnfundur framboðsins verður haldinn þriðjudaginn 27. apríl nk. í Iðnó, 2. hæð.

„Tilefni framboðsins er að innan fjórflokksins svokallaða er vonlaust að vinna að mörgum helstu verkefnunum í borginni með hagsmuni Reykvíkinga að leiðarljósi. Oft skarast hagsmunir flokkanna og Reykvíkinga. Augljósasta dæmið er flugvöllurinn, sem Reykvíkingar kusu burt úr Vatnsmýri,“ segir í fréttatilkynningu.