Draga sig til baka

Bryndís Torfadóttir, sem skipar annað sæti H-listans í Reykjavík, og Anna Kristina Rosenberg, sem skipar 10. sæti listans, segjast af persónulegum ástæðum ekki geta unnið með listanum á næstunni. Því hafi þær reynt að draga nöfn sín af listanum, en án árangurs.

Bryndís segist ekki hafa tök til að starfa með H-listanum, því hafi hún viljað láta má nafn sitt af listanum. Anna, sem er dóttir Bryndísar, hefur jafnframt ekki tök á því að starfa með listanum.

Bryndís, sem er framkvæmdastjóri hjá SAS, segir í samtali við mbl.is að  formaður kjörstjórnar hafi tjáð sér í morgun að eftir 8. maí sé ekki hægt að breyta lista. Þetta sé samkvæmt 22. grein laga. 

Hún kveðst hafa verið viðriðinn listann í mjög stuttan tíma og að hún hafi ekki áttað sig á tímasetningunni, þ.e. að 8. maí væri síðasti dagur til að láta taka nafn sitt af listanum.

„Mér fannst eðlilegast að segja frá því,“ sagði Bryndís í samtali við mbl.is.

„Þetta var ekki að ganga upp fyrir mér. Þannig af persónulegum ástæðum dreg ég mig alveg til baka,“ segir Bryndís.

• 1 blogg um fréttina

Bloggað um fréttina

• Magnús Geir Guðmundsson: Fagrar og gáfaðar mæðgur!