Sjálfstæðismenn fylgdust með tölum í Kópavogi mbl.is/hag

Sjálfstæðisflokkurinn er stærstur í Kópavogi og fær fjóra bæjarfulltrúa þegar talningu atkvæða er lokið í bæjarfélaginu. Alls fékk Sjálfstæðisflokkurinn 30,2% atkvæða og missti einn bæjarfulltrúa. Framsóknarflokkurinn fær einn mann, fékk 7,2% atkvæða. Samfylkingin fær þrjá menn kjörna, 28% atkvæða og missir einn. Vinstri grænir fá 9,8% atkvæða og einn mann í bæjarstjórn. Næst besti flokkurinn fær 13,8% og einn mann kjörinn og Y listinn fær 10,2% atkvæða og einn mann kjörinn.

Meirihlutinn féll því í  Kópavogi en Sjálfstæðisflokkurinn og Framsóknarflokkurinn mynduðu síðasta meirihluta í bæjarfélaginu.

Alls greiddu 14.704 atkvæði í Kópavogi og voru 970 seðlar auðir. 

Bæjarfulltrúi Framsóknarflokksins er Ómar Stefánsson. 

Bæjarfulltrúar Sjálfstæðisflokksins eru: Ármann Kr. Ólafsson, Hildur Dungal, Gunnar I.Birgisson og Margrét Björnsdóttir.

Bæjarfulltrúar Samfylkingarinnar: Guðríður Arnardóttir, Hafsteinn Karlsson og Pétur Ólafsson.

Bæjarfulltrúi VG: Ólafur Þór Gunnarsson

Bæjarfulltrúi Næst besta flokksins: Hjálmar Hjálmarsson

Bæjarfulltrúi Y-lista Kópavogsbúa: Rannveig H. Ásgeirsdóttir.