Engin áhrif af útstrikunum í Hafnarfirði

Rósa Guðbjartsdóttir og Valdimar Svavarsson, bæjarfulltrúar Sjálfstæðisflokks í Hafnarfirði voru oftast strikuð út að sögn formanns kjörstjórnar. hag / Haraldur Guðjónsson

Töluvert var um að útstrikanir og breytingar á listum flokka í Hafnarfirði, að sögn formanns kjörstjórnar. Þó var fjöldinn ekki slíkur að hann hefði áhrif á uppröðun frambjóðenda. Útstrikanir voru flestar hjá Sjálfstæðislokki og Samfylkingu en hverfandi hjá Vinstri grænum.

Að sögn Jónu Óskar Guðjónsdóttur, formanns kjörstjórnar í Hafnarfirði, voru tveir efstu frambjóðendur á lista Sjálfstæðisflokks, Valdimar Svavarsson og Rósa Guðbjartsdóttir, oftast strikaðir út og hjá Samfylkingu Margrét Gaua Magnúsdóttir sem vermdi þriðja sæti listans.

Einnig var töluvert um að kjósendur breyttu röð frambjóðenda og algengast, að sögn Jónu Óskar, að bæjarstjórinn Lúðvík Geirsson væri færður úr sjötta sæti upp í það efsta.