Innlent
|
Kosningar
| mbl
| 4.6.2010
| 13:44
| Uppfært
14:00
Vilja sveitarstjórann áfram
Fulltrúar flokkanna þriggja, sem mynda nýjan meirihluta í sveitarstjórn Norðurþings. mbl.is/Hafþór
Nýr meirihluti í bæjarstjórn Norðurþings vill að Bergur Elías Ágústsson verði áfram sveitarstjóri á næsta kjörtímabili. Skrifað var í dag undir málefnasamning þriggja flokka, sem munu mynda meirihluta í sveitarfélaginu.
Framsóknarflokkur, Sjálfstæðisflokkur og Samfylkingin hafa ákveðið að hefja meirihlutasamstarf í Norðurþingi. Framsóknarflokkur og Sjálfstæðisflokkur mynduðu meirihluta á síðasta kjörtímabili og sá meirihluti hélt í sveitarstjórnarkosningunum á laugardag. Framsóknarflokkurinn, sem fékk 4 fulltrúa kjörna nú, bauð hins vegar öllum hinum flokkunum til viðræðna um meirihluta og varð niðurstaðan þessi. Vinstri grænir og Þinglistinn, eru þá í minnihluta í sveitarstjórninni.Nýja meirihlutann skipa Gunnlaugur Stefánsson, Jón Grímsson, Hjálmar Bogi Hafliðason og Soffía Helgadóttir, Framsóknarflokki, Jón Helgi Björnsson og Olga Gísladóttir, Sjálfstæðisflokki, og Þráinn Gunnarsson, Samfylkingu.
© Árvakur hf.
Öll réttindi áskilin
