Bæjarstjórn Garðabæjar kom saman til fyrsta fundar í dag í ráðhúsinu við Garðatorg. Í bæjarstjórn eru sjö bæjarfulltrúar og þar af eru þrír nýir bæjarfulltrúar. Í sveitarstjórnarkosningunum sem fram fóru 29. maí sl. voru úrslit kosninganna í Garðabæ á þá vegu að fimm bæjarfulltrúar koma frá D-lista Sjálfstæðisflokks, einn bæjarfulltrúi kemur frá M-lista Fólksins í bænum og einn bæjarfulltrúi er frá S-lista Samfylkingar.
Í bæjarstjórn Garðabæjar sitja:
Áslaug Hulda Jónsdóttir (D)
Páll Hilmarsson (D)
Stefán Snær Konráðsson (D)
Ragný Þóra Guðjohnsen (M)
Sturla Þorsteinsson (D)
Steinþór Einarsson (S)
Erling Ásgeirsson (D)

Erling Ásgeirsson sem á að baki lengstu setu í bæjarstjórn setti fyrsta fund bæjarstjórnar. Í upphafi fundar minntust bæjarfulltrúar sr. Braga Friðrikssonar, heiðursborgara Garðabæjar, sem var jarðsettur frá Vídalínskirkju 8. júní sl.
Á fundinum var kosið í embætti, nefndir og ráð á vegum bæjarstjórnar. Á bæjarstjórnarfundinum var Áslaug Hulda Jónsdóttir kjörinn forseti bæjarstjórnar til eins árs. Einnig var kosið í bæjarráð Garðabæjar sem er skipað þrem bæjarfulltrúum.

Í bæjarráð Garðabæjar voru kjörnir:
Erling Ásgeirsson, Stefán Snær Konráðsson og Ragný Þóra Guðjohnsen
Formenn nefnda til fjögurra ára voru kjörnir:
Atvinnu- og tækniþróunarnefnd: Sigrún Lilja Guðbjartsdóttir
Byggingarnefnd: Jón Benediktsson
Forvarnanefnd: Jóna Sæmundsdóttir
Fjölskylduráð: Sturla Þorsteinsson
Íþrótta- og tómstundaráð: Sigurður Guðmundsson
Leikskólanefnd: Lúðvík Örn Steinarsson
Menningar- og safnanefnd: Áslaug Hulda Jónsdóttir
Nefnd um málefni eldri borgara: Ingibjörg Hauksdóttir
Skipulagsnefnd: Stefán Konráðsson
Skólanefnd grunnskóla: Páll Hilmarsson
Skólanefnd tónlistarskóla: Hrafnkell Pálmarsson
Umhverfisnefnd: Júlía Ingvarsdóttir