Niðurstaða um bæjarstjóra

Árni Múli Jónasson.

Meirihluti bæjarstjórnar Akraness hefur samkvæmt heimildum Morgunblaðsins tekið ákvörðun um að ráða Árna Múla Jónasson í starf bæjarstjóra. Samkvæmt sömu heimildum verður tilkynnt um ráðninguna innan skamms.

Árni Múli var einn af 39 umsækjendum um starfið. Hann var skipaður fiskistofustjóri fyrir tæpu ári og hefur starfað á Fiskistofu frá árinu 1992

Hann er  héraðsdómslögmaður og hefur meistarapróf í alþjóðlegum mannréttindalögum frá háskólanum í Lundi.

Samfylkingin, Framsóknarflokkurinn og óháðir og Vinstrihreyfingin-grænt framboð mynduðu nýjan meirihluta í bæjarstjórn Akraness eftir sveitarstjórnakosningarnar í maí.