Kristrún aðstoðar Árna

Kristrún Heimisdóttir

Kristrún Heimisdóttir hefur verið ráðin aðstoðarkona efnahags- og viðskiptaráðherra. Hún var meðal annars aðstoðarkona Ingibjargar Sólrúnar Gísladóttur er hún gegndi embætti utanríkisráðherra á árunum 2007-2009.

Kristrún er lögfræðingur að mennt og hefur starfað sem slíkur hjá LEX lögmannsstofu, Samtökum iðnaðarins, félags- og tryggingamálaráðuneytinu og umboðsmanni Alþingis. Hún var framkvæmdastjóri ReykjavíkurAkademíunnar og hefur kennt lögfræði og heimspeki við Háskólana í Reykjavík, á Akureyri og á Bifröst.

Hún var fulltrúi Íslands í Stoltenberg-nefndinni um öryggis- og varnarmál Norðurlanda 2008-2009, sat í nefnd um endurskoðun stjórnarskrárinnar 2005-2007 og var varamaður í Seðlabankaráði 2003-2007 og varaþingmaður 2003-2009.

Kristrún hefur ritað fræðigreinar og haldið fjölda fyrirlestra á sviði lögfræði, réttarheimspeki og alþjóðamála,að því er segir á vef ráðuneytisins.