Vill stuðla að skýrri og sterkri stjórnarskrá

Inga Jóna Þórisdóttir.

Inga Jóna Þórisdóttir hefur boðið sig fram til setu á stjórnlagaþingi. Hún er fædd árið 1976 og lauk MSc í stjórnun starfsþróunar frá Edinborgarháskóla árið 2009.

Árið 2005 lauk hún kennsluréttindum frá Háskólanum á Akureyri 2005, BS í landafræði frá Háskóla Íslands 2002 og BS í ferðamálafræðum frá Háskóla Íslands 2003.

Áður en hún hélt erlendis í nám starfaði hún sem framhaldsskólakennari við Flensborgarskólann í Hafnarfirði.

„Ég býð mig fram því ég vil taka þátt í því krefjandi verkefni að byggja upp nýtt Ísland. Ég er óflokksbundin og vil taka þátt í gagnrýnum uppbyggilegum umræðum sem miða að því að ná fram bestu mögulegu niðurstöðu hverju sinni. Á þann hátt vil ég stuðla að skýrri og sterkri stjórnarskrá sem þjóðin getur sameinast um. Ég tel mikilvægt að þingfulltrúar komi ekki til þings með of sterkar skoðanir á einstökum þáttum stjórnarskrárinnar heldur mæti vel lesnir og séu reiðubúnir að hlusta á rök og skoðanir annarra. Ég tel mig hæfa til að takast á við þetta krefjandi verkefni og bið því um þinn stuðning,“ segir Inga Jóna í tilkynningu.