Sigmundur: Vinstristjórnaráróður sjálfstæðismanna

Að mati Sigmundar Davíðs Gunnlaugssonar, formanns Framsóknarflokksins, má vart má á milli sjá hvor er meira áberandi, vinstristjórnaráróður sjálfstæðismanna eða hægristjórnaráróður samfylkingarfólks. „Allt eru þetta hefðbundin viðbrögð við velgengni miðjuflokks, og kemur því ekki á óvart.“

Í pistli á heimasíðu sinni skrifar Sigmundur Davíð að Össur [Skarphéðinsson] spinni svo mikið „að maður heldur ekki þræðinum lengur.“

Þá segir: „Staðan er hins vegar ekki flókin. Eftir umræðu undanfarinna vikna er ljóst að annað hvort verður mynduð ríkisstjórn um áherslur Framsóknar eða það verður mynduð ríkisstjórn gegn þeim.

Annað hvort verður mynduð ríkisstjórn um skuldaleiðréttingu, afnám verðtryggingar og heilbrigðara fjármálakerfi eða ríkisstjórn þeirra sem telja í lagi að láta vogunarsjóði  ákveða hvenær Ísland brýst úr viðjum skulda og hafta, ríkisstjórn  sem telur ekki rétt að nýta einstakt tækifæri til að koma til móts við skuldsett heimili, ríkisstjórn um óbreytt fjármálakerfi, ríkisstjórn um verðtryggingu.“

Sjá pistil Sigmundar Davíðs í heild hér.

• 8 blogg um fréttina

Bloggað um fréttina

• Sæmundur Bjarnason: 1947 - Vorinu frestað
• Kristinn Snævar Jónsson: Fyrir heimilin og gegn verðtryggingarríkisstjórn
• Jón Ingi Cæsarsson: Hægri skal það vera segja Framsóknarmenn.
• Ómar Ragnarsson: Framsókn sterkari í miðju/vinstri stjórn ?
• Ómar Geirsson: ICEsavebandalagið gegn Framsókn.
• Haraldur Haraldsson: Sigmundur: Vinstristjórnaráróður sjálfstæðismanna//Hann er ekki okkur til framdráttar við erum …
• Páll Vilhjálmsson: Of stór Sjálfstæðisflokkur eykur líkur á miðvinstristjórn
• Gunnar Heiðarsson: Hvað skal kjósa ?