Viðræður áfram í Biskupstungum

Viðræður þeirra Sigmundar Davíðs Gunnlaugssonar, formanns Framsóknarflokks, og Bjarna Benediktssonar, formanns Sjálfstæðisflokks, um myndun nýrrar ríkisstjórnar hafa staðið yfir í allan dag og halda enn áfram. Fundað var í dag í Biskupstungum.

Að sögn Jóhannesar Þórs Skúlasonar, aðstoðarmanns Sigmundar Davíðs, hefur ýmislegt borið á góma í viðræðunum í dag, þar á meðal efnahagsmál og heilbrigðismál. Ekki hafa aðrir en formennirnir tveir verið viðriðnir viðræðurnar í dag.

• 3 blogg um fréttina

Bloggað um fréttina

• Guðrún María Óskarsdóttir.: Óska þeim góðs gengis, við að mynda ríkisstjórn.
• Óðinn Þórisson: Sigmundur Davíð verður forsætisráðherra
• Ómar Ragnarsson: "Tveir í Tungunum..."