Flest borgarfulltrúaefnin á framboðslistum stjórnmálaflokkanna í Reykjavík eiga lögheimili miðsvæðis í borginni, en mjög fá í úthverfunum.
Þetta kom í ljós þegar Morgunblaðið kannaði búsetu fimm efstu manna á framboðslistunum sjö sem birtir hafa verið.
Fimmtán í hópnum, nær allir sem mestar líkur eru á að nái kjöri í borgarstjórn í vor, eiga heima innan pósthverfisins 101 sem oft er kennt við kaffihúsamenningu. Þar búa allir fimm efstu á lista Bjartrar framtíðar, fjórir af fimm efstu frambjóðendum Samfylkingarinnar og þrír af fimm í efstu sætum Sjálfstæðisflokksins.