Sjálfstæðisflokkurinn í Kópavogi bætir við sig einum bæjarfulltrúa samkvæmt nýrri könnun Félagsvísindastofnunar fyrir Morgunblaðið á fylgi við flokka í sveitarfélaginu.

Framsóknarflokkurinn tapar hins vegar eina bæjarfulltrúa sínum. Verði þetta úrslit kosninganna í vor er meirihluti þessara tveggja flokka með Y-listanum, sem ekki býður nú fram, fallinn.

Sjálfstæðisflokkurinn er með rétt 40% fylgi og fengi fimm menn kjörna í bæjarstjórn. Hann hefur nú fjóra fulltrúa og fékk í síðustu kosningum 30,2% atkvæða, að því er fram kemur í fréttaskýringu um fylgismælinguna í Kópavogi í Morgunblaðinu í dag.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir