Síðasti fundur Jóns Gnarr í borgarstjórn

Jón Gnarr borgarstjóri þakkaði samstarfsfólki sínu í borgarstjórn fyrir samvinnuna ...
Jón Gnarr borgarstjóri þakkaði samstarfsfólki sínu í borgarstjórn fyrir samvinnuna síðustu fjögur árin. mbl.is/Eggert Jóhannesson

Jón Gnarr, borgarstjóri í Reykjavík, kvaddi í gær vettvang borgarmálanna, er hann sat sinn síðasta fund í borgarstjórn, en nýkjörin borgarstjórn tekur við eftir tvær vikur. Tók hann til máls í lok fundar.

„Fyrir mér er þetta svona eins og verið sé að ljúka sambandi, vegna þess að við höfum verið að þroskast sitt í hvora áttina,“ sagði borgarstjórinn, sem sagði embættisskyldum sínum þó ekki enn lokið, þar sem enn væri verið að tengja sig við myndir á Facebook þegar fólk þyrfti að kvarta yfir einhverju, eins og til dæmis ælu á Snorrabraut.

Þakkaði Jón öllum borgarfulltrúum fyrir samstarfið, en bað þau jafnframt afsökunar á þeim tímum, þegar hann hefði hugsanlega sært þau með ómálefnalegri gagnrýni, eða með því að alhæfa um eitthvað sem ekki hefði átt við rök að styðjast.

Bloggað um fréttina