Yfirkjörstjórn í Kópavogi hefur afhent Þór Jónssyni, fyrrverandi upplýsingafulltrúa Kópavogs og íbúa í bænum, meðmælalista allra framboða í liðnum sveitarstjórnarkosningum. Þetta kemur fram á vef Kópavogsfrétta.
Daginn fyrir kosningar, hinn 30. maí síðastliðinn, kærði Þór yfirkjörstjórn Kópavogs til úrskurðarnefndar um upplýsingarmál fyrir vanrækslu á að afhenda honum skriflegar yfirlýsingar kjósenda um stuðning við framboðin. Þór hefur nú fallið frá þessari kæru því yfirkjörstjórn hefur samþykkt beiðni hans um aðgang og afrit af meðmælalistum framboðanna.