Samfylkingin og óháðir borgarar og sjálfstæðismenn og óháðir hafa náð samkomulagi um samstarf í meirihluta bæjarstjórnar Sandgerðisbæjar. Samstarfið leggur áherslu á áframhaldandi ábyrga fjármálastjórn og að bæjarbúar njóti þess svigrúms sem skapist í rekstri bæjarsjóðs með lækkuðum álögum og bættri þjónustu.

„Listarnir hafa komist að samkomulagi um að Sigrún Árnadóttir verði áfram bæjarstjóri Sandgerðisbæjar, Ólafur Þór Ólafsson verði forseti bæjarstjórnar og Hólmfríður Skarphéðinsdóttir verði formaður bæjarráðs. Stefnt er að því að fyrsti bæjarstjórnarfundur nýs kjörtímabils fari fram miðvikudaginn 18. júní og þar verður sameiginleg málefnasýn listanna lögð fram,“ segir í fréttatilkynningu.

Sjálfstæðismenn og óháðir hlutu einn mann í sveitarstjórnarkosningunum um síðustu helgi en Samfylkingin og óháðir borgarar þrjá. Samanlagður fjöldi bæjarfulltrúa er því fjórir af sjö fulltrúum í bæjarstjórn. Viðræður á milli framboðanna hófust strax að loknum kosningum.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• Blogga um frétt