Gengið var formlega frá meirihlutasamstarfi Framsóknarflokksins og Sjálfstæðisflokksins í sveitarstjórn Sveitarfélagsins Skagafjarðar í gærkvöldi. Frá þessu er greint á fréttavefnum Feyki.

Samstarfið hefur vakið athygli í ljósi þess að framsóknarmenn fengu hreinan meirihluta í sveitarstjórnarkosningunum um síðustu helgi. Fimm fulltrúar af níu. Vinstrihreyfingin - grænt framboð fékk einn mann kjörinn og Skagafjarðarlistinn einn.

Spurður um ástæður þess að semja við sjálfstæðismenn segir Stefán Vagn Stefánsson, oddviti framsóknarmanna, að ákveðið hefði verið að mynda meirihluta á breiðari grunni þar sem það þjónaði hagsmunum sveitarfélagsins betur.

„Við erum jú kjörin til að þjóna hagsmunum sveitarfélagsins og íbúa þess og teljum það best gert á þennan hátt,“ er haft eftir Stefáni. Hann segir stóru málin á kjörtímabilinu verða að fjölga íbúum sveitarfélagsins og efla atvinnulífið.

Frétt Feykis

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Annar taktur í sveitastjórnarmálum?