Hrannar Pétursson, aðstoðarmaður utanríkisráðherra, ætlar ekki að endurskoða ákvörðun sína um að hætta við framboð sitt til embættis forseta Íslands.
„Mín ákvörðun stendur. Það er búið að slökkva á vélinni og hún verður ekkert sett í gang aftur. En það er fróðlegt að fylgjast með þessu öllu saman. Það eru stórar fréttir á hverjum degi,“ segir Hrannar.
Hann hætti við framboð sitt eftir að Ólafur Ragnar Grímsson ákvað að sækjast eftir endurkjöri, þvert á fyrri yfirlýsingar. Hrannar segist ekki vilja tjá sig um ákvörðun Ólafs Ragnars. „Ég óska bara öllum þeim sem eru á vellinum góðs gengis.“