Sjálfstæðisflokkur og Píratar hefðu meirihluta á Alþingi yrðu úrslit kosninga eins og niðurstöður nýrrar skoðanakönnunar Félagsvísindastofnunar HÍ benda til. Fylgi Sjálfstæðisflokks mælist 28,2% og Pírata 25,8% eða samanlagt 54%.

Að undanförnu hafa Píratar mælst hátt í könnunum, en nú virðist sem taflið sé að snúast við. Í könnun Gallup um sl. mánaðamót sögðust 26,6% kjósa Pírata ef gengið væri til kosninga nú og rúm 27% Sjálfstæðisflokk. Um áramót fylgdu 35,3% Pírötum en 25,2% Sjálfstæðisflokki.

Stuðningur við VG í könnun Félagsvísindastofnunar mælist 18,9%. 8,9% segjast styðja Samfylkingu og 8,2% Framsóknarflokk, að því er fram kemur í umfjöllun um niðurstöður könnunarinnar í Morgunblaðinu í dag.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir