Jón Gunnarsson gefur áfram kost á sér
Setja bókamerki
Jón Gunnarsson, þingmaður Sjálfstæðisflokksins, gefur áfram kost á sér til setu á Alþingi eftir næstu þingkosningar. Þetta staðfestir hann í samtali við mbl.is. Spurður hvaða sæti hann stefni á segir hann að það verði upplýst síðar.
Prófkjör sjálfstæðismanna í Suðvesturkjördæmi fer fram 10. september. Frestur til að skila inn framboðum rennur út 19. ágúst. Jón hefur verið þingmaður Sjálfstæðisflokksins frá árinu 2007. Hann var í þriðja sæti framboðslista sjálfstæðismanna í kjördæminu í síðustu kosningum.
Sjálfstæðisflokkurinn fékk fimm þingmenn kjörna í Suðvesturkjördæmi í síðustu kosningum, Bjarna Benediktsson, Ragnheiði Ríkharðsdóttur, Vilhjálm Bjarnason og Elínu Hirst auk Jóns. Ragnheiður hefur lýst því yfir að hún ætli ekki að gefa áfram kost á sér.
Tóku upp hanskann fyrir leikskólabörn
Tveir í bílnum sem lenti utan vegar
„Á réttri leið en nokkuð í land ennþá“
„Hvílir mikil leynd yfir þessu öllu“
„Skýr skilaboð til Seðlabankans“
Skiptir miklu meira máli en fólk grunar
Handtekin eftir að tvö börn fundust látin
Veiting hvalveiðileyfis ekki brot á EES-samningi