Alls bárust ellefu framboð í prófkjör Sjálfstæðisflokksins í Suðurkjördæmi, en framboðsfrestur er runninn út.
Tekist verður á um oddvitasætið en þar er sótt að Ragnheiði Elínu Árnadóttur, iðnaðar- og viðskiptaráðherra, sem sækist áfram eftir fyrsta sætinu. Ásmundur Friðriksson, þingmaður Sjálfstæðisflokksins, stefnir á fyrsta sætið og það sama á við um Pál Magnússon, fyrrverandi útvarpsstjóra. Þá hefur Árni Johnsen, fyrrverandi þingmaður flokksins, lýst yfir framboði í eitt af efstu sætunum.
Frambjóðendur í Suðurkjördæmi í stafrófsröð:
Árni Johnsen
Ásmundur Friðriksson
Bryndís Einarsdóttir
Brynjólfur Magnússon
Ísak Ernir Kristinsson
Kristján Óli Níels Sigmundsson
Oddgeir Ágúst Ottesen
Páll Magnússon
Ragnheiður Elín Árnadóttir
Unnur Brá Konráðsdóttir
Vilhjálmur Árnason