Sigurður Ingi Jóhannsson forsætisráðherra og Bjarni Benediktsson, fjármála- og efnahagsráðherra, hafa boðað til fréttamannafundar í Hörpu klukkan 13 í dag þar sem kynnt verða ný úrræði ríkisstjórnarinnar til aðstoðar nýjum kaupendum á húsnæðismarkaði, samkvæmt upplýsingum mbl.is.
Sigurður Ingi sagði í þættinum Þjóðbraut á Hringbraut um helgina að frumvarpið væri í samræmi við stjórnarsáttmála ríkisstjórnarinnar.
Hin svonefndu Íslandslán, þ.e. 40 ára jafngreiðslulán til húsnæðiskaupa, myndu heyra sögunni til verði frumvarpið samþykkt.
Eins yrði boðið upp á hvata til þess að taka óverðtryggð lán og komið „myndarlega“ til móts við fyrstu kaupendur að fasteign.
Frétt mbl.is: Kynna ný úrræði í húsnæðislánum